動人的求子故事211-Kammyy(真心多謝寶醫生及團隊帶給我倆的雞bb)(香港海外求子篇)

大家好我叫Kammy, 今年31歲,我好幸運可以係度發好孕文,我的故事很長,不過希望可以鼓勵大家(我的文法不是很好,請耐心睇)

在2012結婚,天真以為不避孕就會很容易有,所以未計劃,諗住結完的後兩年先生bb!
2014-2015 開始生育計劃,中西醫都有睇過
中醫話我虛寒難有,西醫都無特別,有jm介紹旺角Gallus chemical 驗血都可以睇到好多數據,6項驗血tsh,LH,E2,p4,anti-tpo & fsh ,好記得24Dec 出報告,我的fsh很高16,醫生話係會早停經,免疫都出問題,anti-tpo抗體係1883,正常係<34,戴醫生話我這樣難有b,有都容易無左,因抗體甘高會攻擊卵子,精子同胚胎,所以佢建議我去做ivf,唔好浪費時間了。

2016/5 再驗血都係同之前的差不多,上網搵資料,發現好多人睇寶醫生,他也會就香港人假期的,所以很快決定搵寶醫生,無想太多,定8月就飛,因不想浪費時間

2016/8 初診 因我經期不準,又要就老公就到時間,所以mc10日先飛去台,三日兩夜,第一日係星期日所以四圍行下,明天先一早去聯合驗血8+1及下午見寶醫生,醫生都未有報告所以打去催,就照住卵泡先,寶照完話我好奇怪,無咩卵泡,收到報告就更確定我係極少卵同好快收經,話隨時or下年收,所以好緊急,我當時太特然嚇到喊,同時我係好少數女性的情況,因我amh 係0.06同fsh係51,anti -tpo係1230,這指數係更年期,我知自己差但無想過甘差,寶醫很直接話會盡力幫我,很自信的亦只有佢可以幫我,我那時想只好相信,好彩我老公陪我來咋,因我只有31歲所以寶懷疑我有其他驗色體問題,還叫我同老公都要再驗血,再叫我去聯合驗免疫的血,又立刻叫欣怡幫我,聯絡滿屋食全餐的營養品,那時候他比我還緊張,我沒有想法,只跟住做,欣怡真的好好安慰我

因昨天驗了血,今日要飛前再反醫院睇聯合出左免疫報告,結果都正常,除了anti -tpo同anti-thyroglobulin ab超標,但染色體要等醫院出,要大概一個月,老公可能下次不能陪同,所以要雪丁丁,所以寶很詳細就交代我反香港要做咩,要食避孕藥,昂特欣,同每星期驗幾項指數,帶針反港,報告ok立即開針,還有食滿屋全餐,還不時問我明白嗎?同埋姑娘好好教我打針!
好幸運離開醫院前認識左一位jm~Eva

反香港呢一個月我就跟住寶的指示做,食葯,驗血,食supplement,每次我驗完血就send給寶,寶都說ok繼續食supplement ,一個月後最後一份報告,寶醫生說我可以打促卵針了,連打5日就叫我安排時間請假回台!(p.s寶幾夜都會親自覆mail,精簡,但我相信無一個醫生半夜會覆mail,不得不佩服他的專業,連出trip都會覆)

2015/9 預5天回台睇有幾多卵可抽,就跟寶醫生指示回台,今次老公未能請假所以我自己一個去,(仲要係中秋節加兩個颱風的個星期),好彩有超好人的Eva全程陪我,萬分感謝!星期六回台下一機立刻奔去醫院見醫生照卵泡,我得兩顆only,都算ok但未夠大,上次染色體報告出了也沒問題,寶醫生說我這指數有兩顆已真的不錯了,還說那好好谷大那兩顆,不過要再加兩針,平時有老公幫我打,來台就自己打,星期一再見及約麻醉師,星期一見醫生前去聯合抽血,報告出了指數好了好多,出問題的amh由0.06變0.12,fsh由51變14,anti-tpo 1230變760,很理想,(我個人不是hard sell,但我覺得係食滿屋的supplement的功勞),加上照完卵泡夠大可以抽,所以confirm 星期三抽,跟住見埋麻醉師就成了,那天晚上就要打破卵針,之後等星期三抽卵,

抽卵的日子到了,那天本來有點緊張,因我第一次做手術,感恩有eva陪我,不過抽卵係麻醉所以無咩痛,醒了也沒有不舒服係有點攰,Eva陪我食完東西就回酒店休息,送我回到酒店她才走,因抽了要再第二日打回去問有否分裂,我要confirm有無才決定幾時回香港,我有點擔心,我只有兩顆不知會否一個也沒有,只好交給天了!

抽卵第二日係中秋節,但可以打反去問有幾顆分裂到,lab說兩顆都成功,立刻放下心頭大石,真的很高興!所以可以過多兩日星期六放胎,不用去醫院的日子我就在酒店附近逛下書店,同eva去cafe,夜市,淡水。反正都來台灣了。

星期五知明天會掛8號颱風怕無得做手術,打去五樓問植入手術會否改期,但北醫五樓回覆令我再一次感受佢地真的好專業同真心幫我地的無助的jm,很感動!回覆係醫生及姑娘都有反工,說因爲太多香港及澳門的jm都會過來做放胎同埋開了針不會不理他們,知道甘遠搭飛機來也不容易,所以好體諒我地的,所以我很安心同今晚很早訓等明天大日子!

終於到了星期六,eva也一早來陪我了,寶醫生放胎前見一見,話我分裂得好好,兩顆係100分,不停說很厲害很興奮的,很大機會會中,放胎期間有少少驚險,因我的子宮位置的問題很難找位置,同已經開始有出血及收縮我差一點就放不到胎的,全靠寶醫生不放棄,因他知道我要今晚夜機回港,所以想盡量幫我放胎,真心覺得寶是很很很為每一個病人著想,及華姑娘為我打氣,終於接了兩個寶寶,寶說做完要立刻打兩支油針,欣怡好急叫eva幫我去買,真的很多謝你一直陪我幫我甘多

回港後day5就驗血,寶醫生睇完說enough for bingo,之後就靜待了11天去驗孕,那天一收報告我真的開心到喊,幸運一直跟住我,第一時間通知寶醫生,我好記得係朝早6點send給他的,佢立刻覆恭喜我,我講俾欣怡知,佢話寶醫生已話佢知,佢地真的好開心,知我過程都不算容易!過幾天回台見佢地,佢地親自再恭喜我,我真的很感恩一路有你地!

最後想再重新多謝寶醫生令將小天使帶到我身邊,欣怡,李姑娘,華姑娘,整個團隊的專業,努力及幫助,令無助的我成功了,親愛的Eva的一直的支持同陪伴,及E大,神奇妙及滿屋的意見,多謝你地每一個人的幫助!

希望其他jm不要放棄,將這幸運傳開,小天使很快到你地身邊!



發佈留言

發佈留言必須填寫的電子郵件地址不會公開。 必填欄位標示為 *